65-vjeçarja në Belsh vdiq nga kafshimi i qenit, arrestohet kunati

Një ngjarje e rëndë u regjistrua mbrëmjen e djeshme në fshatin Çërragë të Belshit, ku një grua 65-vjeçare humbi jetën pasi u sulmua nga qeni.

Një ditë pas ngjarjes, policia ka arrestuar pronarin e qenit, shtetasin G. A., 68 vjeç, i cili rezulton të jetë kunati i viktimës.

Viktima Emine Agolli u kafshua në këmbë nga qeni, duke pësuar gjakderdhje të rëndë. Ajo u transportua për ndihmë mjekësore, por pavarësisht përpjekjeve të mjekëve, nuk mundi t’u mbijetojë plagëve dhe ndërroi jetë.

Në një njoftim zyrtar, policia bën me dije se “specialistët për Hetimin e Krimeve të Komisariatit të Policisë Cërrik arrestuan në flagrancë shtetasin G. A., pasi qeni që ai mbante kishte kafshuar 65-vjeçaren, bashkëshorten e vëllait të tij, duke i shkaktuar vdekjen”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)